اليوم بشرح كيف طريقة نعمل recovery ريكوفري ( ريكفري ) حتى لو الوندوز معطوب او مايشتغل او ناقص ملف !

وهذا بعد ماصارت وبعد تجربة .. اليوم سويت تحديث للوندوز عندي وعلق و طفيت الجهاز ويوم جيت اشغله قال فيه ملف ناقص .. وعلى هالموال .. ولين لقيت حل بدون ماسوي فورمات وبدون طبعا اغلب الناس يجهلون الريكفوري او على طول أي مشكله عندهم فورمات او يوديه المحل وتلقاه على طول يقول لك فورمات وهو فيه طرق كثيره و لكن ابحث عنها .. وكل شي وله حل .. انا طبقت الطريقة من اللينكس وكان اللينكس شغال من usb يعني وضعي صعب جداً ! هههههه لكن الحمدلله الحين اكتب لكم من الوندوز والامور سليمه !

عموماً .. الريكفري ممكن تستفيد منه إنه اذا نقص ملف في الوندوز او الوندوز فيه مشكلة او زي ماقلت تحديث وماضبط وممكن تقدر تسوي restore لأخر نقطة نظام مسوي لها حفظ و أغلب الاحيان قبل التحديث الوندوز تلقائياً يسوي restore point من نفسه بدون ماتسوي انت .. وبكذا تسترجع كل شي من اخر نقطة .. ويرجع الجهاز تمام وهذا اللي سويته انا .. وعموما اشياء كثيره

وراح اشرحها بأسهل الطرق إن شاء الله .. اللي ماتاخذ منك الا وقت التحميل فقط !! ( طبعاً لازم جهاز ثاني تقدر تستخدمه علشان تشغل الاداة اللي بنستعملها )

الشرح راح يكون نقاط

1. تحميل Recovery Disk for windows 7 & Recovery disk for windows vista – Download
2. شرح حرق الـ Recovery Disk على usb فلاش .. وبدون الحاجة للسيديات لوضع الريكفري فيه !
3. شرح كيف نقدر نشغلها من فلاش ميموري ( USB ) و الإقلاع منه بدون مانحمل الريكفري بسي دي او دي في دي يعني كل شغلك بسيط في بسيط ! وتحميل الأداة اللي تقدر بها تركب الريكفري على الفلاش ( حرق )  " مجانية ومفتوحة المصدر "

بسم الله ..

اول شي نحمل الريكفري "شكر للـ البارون"

 للفيستا Windows Vista Recovery 32 (( تحميل الريكفري من مدونة طلال ))

للفيستا Windows Vista Recovery 64 (( تحميل الريكفري من مدونة طلال ))

للوندوز 7 windows 7 32 recovery rapier disk  (( تحميل الركيفري من مدونة طلال ))

للوندوز 7 windows 7 64 recovery repier disk (( تحميل الركيفري من مدونة طلال ))

وبعد ماحملنا النسخة حقت الوندوز نشبك الفلاش ميموري ويحبذا يكون حجمه 3 قيقا وفوق او 4 قيقا ..

ونكمل بالصور

نشبك الفلاش  ونفرمتها ونحول نظام ملفاتها لـ NTFS زي ماهو واضح بالصور

هذا الفلاش وضغطنا الزر اليمين وبعدين نضغط على فورمات

وبعدين

بعد ماسوينا فورمات نجي للأداة اللي تحرق الـ iso للـ usb وظيفتها تحرق الـ iso to usb وسبق شرحها هنا ( تحميل توزيعة لينكس وتشغيلها من فلاش usb ) تحميل الأداة من هنا

وبعدها انتظر لين يخلص بعض الأحيان يتأخر في خطوة شوي وتحسب انه معلق ..

بعدها سو اعادة تشغيل لجهازك واضغط f12 او عاد شوف اول مايشتغل الجهاز كيف تفتح الـ boot راح يطلع لك .. ممكن F12 تضغط او اي زر غيره .. وشغل الـ ركيفري واستمتع ..

بالتوفيق ..

بحاول أنزل الكثير عن اللغة الإنجليزية وتعلمها بأسهل الطرق وأفضل الوسائل .. والكتب والصوتيات .. واي شي يفيد بتعلم اللغة بحكم إني طالب في مرحلة اللغة .. وأحاول اطور لغتي ..

اليوم بنزل كتاب للمبتدئين في اللغة الإنجليزية كيف تستعمل حروف الجر .. الكتاب الانجليزي والعربي .. وراح يشرح الكثير مثل /

حرف الجر ( in ) متى استعماله وامثله عليه

حرف الجر ( at ) متى نستعمله و مثال عليه

والحروف ( On , In front of , next to , by , with from , to , for , about , of , under , behind , after , before … وغيرها كثير ) وامثله عليها وكيف نستعملها وبشكل مفصل ..

الكتاب بالعربية .. وهذا بيسهل التعلم عليها

صورة من الكتاب

ونجي للتحميل /

التحميل من هنا

- بالتوفيق للجميع إن شاء الله ..

ممتع إنك تجرب انظمة غير الوندوز وغير إحتكار الوندوز .. واللينكس نظام مفتوح المصدر .. وروعة في استعماله وخفته .. وادواته .. لكن الانتقال من الوندوز شي صعب عموماً كـ بداية ..

انا اليوم بشرح كيف نقدر نحمل توزيعة لينكس .. ونشغلها من الفلاش ميموري ( USB ) و الإقلاع باللينكس من الفلاش ..

1. نقوم بتحميل توزيعة اللينكس اللي نبي نشغلها لايف من الفلاش ونفرض إنها باك تراك بحكم ان كثير يستخدمونها ندخل على الموقع ونحمل التوزيعة من موقعها هنا ونحملها بصيغة iso
2. نحمل الأداة الي راح تركب لنا التوزيعة على الفلاش (USB) واسم الاداة Unetbootin وهذا موقعها من هنا وهذي روابط التحميل للاداة لنظام اللينكس من هنا و لنظام الوندوز من هنا وهي اداة مجانية ومفتوحة المصدر !
3. نشبك الفلاش ميموري (USB) ولازم إنها تكون على الأقل ( 2 قيقا )
4. نفرمت الفلاش لـ FAT32
5. نشغل الاداة ونختار قرص صورة إذا كان عربي او اذا انجليزي diskimage ونختار مكان التوزيعة الـ ISO اللي حملناها وبعدها نضغط OK
   
   بعدها ماخلص اعد تشغيل الجهاز واختر الإقلاع من الusb .. وشغل التوزيعة وباليوزر نيم/الباسورد (الإفتراضية للتوزيعة) الباك تراك : root / toor
   اليوزر ( root ) الباسورد ( toor ) .

    

    

   ولينكس ممتع إن شاء الله ..

وبس .. بالتوفيق إن شاء الله

شحن الآي باد الآيباد الآي بود او الآي فون من الكمبيوتر ..  نلاحظ اننا لاشبكنا الآي باد او الآي بود او الآي فون الايباد بالكمبيوتر يشحن لمدة 10 ثواني يمكن ويفصل !

وكل شي وله حل .. هذا برنامج ويحل لك المشكلة ويخليه يشحن من الكمبيوتر بدون ماتشبكه كهرب ولا اي شي و الشحن اسرع من الكهرباء بنسبة 50% !!

البرنامج من شركة ASUS

معلومات عن البرنامج

يشتغل على اغلب انظمة الوندوز .. ( تمت تجربته وفعال 100% )

تحميل البرنامج (( هنا ))

وبالتوفيق ..

نفترض عندنا ملف وورد (مستند) .. و نريد تحويله إلى PDF لقراءة كـ كتاب الكتروني بواسطة Adobe Reader او اي برنامج متخصص بقراءة الـ PDF او عدم توفر الاوفيس

الطريقة بسيطة جداً

نقوم بفتح المستند ( ملف ) الوورد المراد تحويله .. ونقوم بإختيار ملف –> حفظ بإسم .. ومن ثم بتظهر عندك نافذه صغيرة مثل الصورة

رقم ( 1 ) نفتح الخيار فيه ونحط PDF ونلاحظ إننا نقدر نحوله لاكثر من شي ..

بعدين حفظ  ..

فقط ومبروك عليك!

اختبار الإيلتس IELTS TEST

نبذة عن الإختبار , رسوم الإختبار , متى نحتاج للإختبار , فقرات امتحان الايلتس , الدرجات المطلوبة للدراسة , طريقة التسجيل و البحث ايلتس ..

اختبار الإيلتس IELTS هو اختصار ل ( International English Language Testing System ) و هو إختبار عالمي ويعتبر من أهم الاختبارات لمقياس معرفة الشخص باللغة الإنجليزية وتمكنه منها وهو اختبار بريطاني .. والمنافس الاخر هو التوفل Toefl وهو امريكي .. ونجد إن بعض أو اغلبية اللي اختبرو الإيلتس والتوفل يجدون إن الإيلتس أسهل وتعدد فقراته ..

تاريخ الإيلتس / من عام 1989 اثبت إمتحان الإيلتس انه قادر على معرفة قدرات الشخص وتمكنه من اللغة الانجليزية . ويعتمد الامحتان في معظم الجامعات و الدوائر الحكومية في بريطانيا و استراليا و نيوزلندا و كندا وجنوب افريقيا وعدد كبير من المؤسسات التعليمية و الجامعات في امريكا .. و يعتمد الايلتس في اكثر من 120 دولة ويتقدم للامتحان اكثر من نصف مليون شخص سنويا لإختباره !

متى نحتاج للإيلتس .. ؟!
عند الرغبة في دراسة البكالوريوس الماجستر او الدراسات العليا .. لقياس قدراتك الانجليزي
وعند الرغبة في الحصول على هجرة في بعض الدول تتطلب إختبار الايلتس لمعرفة قدراتك في اللغة الانجليزية عن طريق الإيلتس

انواع الإيلتس ؟
General أو Academic
General : هو اللي يختبرونه عند طلب الهجره او مثل ذلك .
Academic : هو للمؤسسات التعليمية او الجامعات او المعاهد .

فقرات الإختبار .. ؟
Reading – Listening – Speaking – Writing

وتقسيمها و الوقت كالتالي موضح بالصورة /

طبعاً الاختبار لايوجد حد معين له .. تختبر لين تجيب الدرجة المطلوبة فمثلاً بعض الجامعات تطلب للبكالوريوس 5 تختبر لين تجيب 5.0 تجيب المطلب حقك وبس ..

- كم الدرجات المطلوبة للدراسة ؟
الجامعات تختلف جامعة عن جامعة .. لكن عموماً اغلب الجامعات تطلب 5.5 لدراسة البكالوريوس و الدراسات العليا 6

لشهادة الإيلتس مدة معينة وهي سنتين

رسوم اختبار ايلتس IELTS هي 185$ للإختبار

* بحاول اتطرق للإيلتس إختبارات تجريبية و كلمات مساعدة بإذن الله في مقالات ثانيه لكن نجي للتسجيل الآن

التسجيل في إختبار الإيلتس
How do I register ?

* اول خطوة نقوم بالدخول لموقع التسجيل وهو : https://ieltsregistration.org

و في خيار Module نقوم بإختيار Academic وهو اللي يخصنا اللي هو الإختبار الاكاديمي والخيار الثاني هو للهجره او غيرها من الاشياء .. يعني نختار اكاديمي
وخيار رقم 2 ونختار الدولة اللي نبي نختبر فيها ورقم 3 المدينة اغلب الاحيان للمدن الصغيره ماتحصل مركز في نفس مدينة فتقوم بإختيار المدينة الاقرب لك ..
ورقم 4 نقوم بإختيار التواريخ مع العلم إن ممكن تحصل اليوم ان التاريخ هذا متوفر وتجي بكرا تبي تسجل تحصله راح لإن زحمه التسجيل وغير كذا عدد معين يطلبون هم
ورقم 4 نوع الإختيار .. وله نوعين اللي هو ورقي او اون لاين اختار اللي تحصل وتبغاه انت
وبعدها نضغط Search
بعد كذا راح يطلع لنا المراكز اللي في المدينه هذي ونختار تسجيل Register عند المركز اللي تبي تختبر الايلتس فيه
وبعدها تعبي المعلومات المطلوبه مثل اسمك .. وغيرها .. عاد كلها واضحه إن شاء الله ..

والله يوفقنا وياكم إن شاء الله .. ودعواتكم لي .
هذا التسجيل باختبار الايلتس IELTS ونبذة عنه .. بحاول أتطرق في التدوينات عن إختبارات تجريبية في الإيلتس و كلمات Vocabulary و words IELTS و test IELTS و امتحان الايلتس و غيره .. واهم شي الممارسة .. والتدريب .

5 طرق فتح ملف الوورد بدون مايكروسوفت اوفيس

5 Ways to open a word document without Microsoft Office

ربما بعض الأحيان نحتاج لفتح ملفات الوورد بدون تحميل المايكروسوفت الاوفيس والإنتظار لوقت التحميل والتثبيت وإعادة التشغيل …إلخ الكثير من الإنتظار .. او للمزيد اضغط على عنوان التدوينة

مثل حالتي ماقدر احمل الأوفيس او لو عطيت صديق لك مستند و ماعنده الاوفيس او جهازه ماك ( خبرتي بالماك قليله واللي اعرفه عنه إنه مافيه اوفيس او فيه برنامج مشابه ) عموماً .. نجد العديد من الطرق لفتح ملفات الوورد او البوربوينت .. و هذي 5 طرق لـ ( فتح / مشاهدة / معاينة / تعديل / إضافة .. ) لملفات الوورد وبدون تثبيت اوفيس

1. Google Docs
   يتيح لك Google Docs تحميل و مشاهدة و تعديل ملف الوورد و الخدمه مره راقت لي وجيده مره وبسيطه كعادت قوقل .. لكن لازم يكون عندك بريد Gmail لإستخدام خدمة قوقل الوورد.
   للمزيد افتح التدوينة
2. Microsoft Word Viewer
   برنامج من مايكروسوفت يتيح لك مشاهدة ملفات الوورد بس بدون تعديل .. فقط معاينة او مشاهدة ملف الوورد ويدعم الكثير من الصيغ مثل docx , docm , rtf , txt , htm , html , mht , mhtml , wpd , doc , wpd , wps , xml .. والكثير من الصيغ التي تدخل ضمن docx .. لكن طبعاً بدون تعديل ملف الوورد فقط مشاهدة الملف ويتمتع التطبيق بحجم بسيط 25 ميقا فقط ..
3. Open Office
   Open Office .. هو برنامج مفتوح المصدر ( مجاني ) ويتمتع بالخيارات العديدة من الاوفيس مثل فتح و مشاهدة و تعديل ملفات الوورد ويدعم الوندوز و يتوفر باللغة العربية ايضا!
4. Zoho Viewer
   موقع او اداة  تتيح لك مشاهدة ملفات الوورد و يتميز بإمكانية تحويل ملفات الوورد او ملفات المستندات لأكثر من صيغة منها txt و يمكنك التحويل لـ PDF وهذي ميزة ممتازة للي يريد التحويل ويتيح لك تحميل الملف وبإمكانك مشاركة ملف الوورد مع اصدقائك .. الموقع فيه ادوات مميزة غير فتح ملف الوورد اكتشفوها !
5. TextMaker Viewer 2010
   تطبيق مجاني من SoftMaker لعرض مستندات الوورد او ملفات الوورد .. ويمكنك البرنامج من مشاهدة او طباعة ملف الوورد و يتميز التطبيق بفتح صيغ عديدة مثل docx , docm , dotx , dotm , doc , dot , tmd , tmv , odt , ott , sxw , rtf , psw , pwd , htm , html , txt أو حتى ملفات الأكسل .. والعديد من الصيغ .. قم بالتجربة!

عموماً .. التطبيقات او الأدوات او حتى مواقع فتح المستندات تتعدد والطرق كثيره … وهذي تقريباً افضل او اسهل الطرق لفتح و مشاهدة و طباعة وحتى تعديل المستند وورد او صيغ الاوفيس المتعددة مثل الاكسل وغيرها بدون الحصول على برامج مايكروسوفت الاوفيس ..  وانا من ناحيتي افضل قوقل لبساطته وتعدد خياراته ومميزاته بشرط الحصول على بريد Gmail .. ولكم حرية الإختيار والتجربة ..
 

محاولة!!

محاولاتي في التدوين كانت من فترة وكنت متواصل معها ومحدث بشكل "شبه" دوري ..

وكانت بدايتي من 2007 م في التدوين وبعدين إنتقلت لـ Talal7.com .. وأخر الفترة إنشغلت في مجالات ثانية وتركت الإنترنت بشكل عام .. و كان دخولي بشكل ضعيف جداً ..

وتركت المدونه index صفحة رئيسية فقط ..

وإن شاء الله برجع وأكون متواصل بالإنترنت وبكون متواصل في مدونتي وبعتبرها مكان انشر فيه اي شي احس إنه مفيد واي شي ممتع .. وبنفس الوقت أكتب فيه ..

وبس!!!

TalaL @