السلام عليكم ورحمة الله وبركاته ..
اليوم بشرح كيف طريقة نعمل recovery ريكوفري ( ريكفري ) حتى لو الوندوز معطوب او مايشتغل او ناقص ملف !
وهذا بعد ماصارت وبعد تجربة .. اليوم سويت تحديث للوندوز عندي وعلق و طفيت الجهاز ويوم جيت اشغله قال فيه ملف ناقص .. وعلى هالموال .. ولين لقيت حل بدون ماسوي فورمات وبدون طبعا اغلب الناس يجهلون الريكفوري او على طول أي مشكله عندهم فورمات او يوديه المحل وتلقاه على طول يقول لك فورمات وهو فيه طرق كثيره و لكن ابحث عنها .. وكل شي وله حل .. انا طبقت الطريقة من اللينكس وكان اللينكس شغال من usb يعني وضعي صعب جداً ! هههههه لكن الحمدلله الحين اكتب لكم من الوندوز والامور سليمه !
عموماً .. الريكفري ممكن تستفيد منه إنه اذا نقص ملف في الوندوز او الوندوز فيه مشكلة او زي ماقلت تحديث وماضبط وممكن تقدر تسوي restore لأخر نقطة نظام مسوي لها حفظ و أغلب الاحيان قبل التحديث الوندوز تلقائياً يسوي restore point من نفسه بدون ماتسوي انت .. وبكذا تسترجع كل شي من اخر نقطة .. ويرجع الجهاز تمام وهذا اللي سويته انا .. وعموما اشياء كثيره
وراح اشرحها بأسهل الطرق إن شاء الله .. اللي ماتاخذ منك الا وقت التحميل فقط !! ( طبعاً لازم جهاز ثاني تقدر تستخدمه علشان تشغل الاداة اللي بنستعملها )
الشرح راح يكون نقاط
- تحميل Recovery Disk for windows 7 & Recovery disk for windows vista – Download
- شرح حرق الـ Recovery Disk على usb فلاش .. وبدون الحاجة للسيديات لوضع الريكفري فيه !
- شرح كيف نقدر نشغلها من فلاش ميموري ( USB ) و الإقلاع منه بدون مانحمل الريكفري بسي دي او دي في دي يعني كل شغلك بسيط في بسيط ! وتحميل الأداة اللي تقدر بها تركب الريكفري على الفلاش ( حرق ) " مجانية ومفتوحة المصدر "
بسم الله ..
اول شي نحمل الريكفري "شكر للـ البارون"
للفيستا Windows Vista Recovery 32 (( تحميل الريكفري من مدونة طلال ))
للفيستا Windows Vista Recovery 64 (( تحميل الريكفري من مدونة طلال ))
للوندوز 7 windows 7 32 recovery rapier disk (( تحميل الركيفري من مدونة طلال ))
للوندوز 7 windows 7 64 recovery repier disk (( تحميل الركيفري من مدونة طلال ))
وبعد ماحملنا النسخة حقت الوندوز نشبك الفلاش ميموري ويحبذا يكون حجمه 3 قيقا وفوق او 4 قيقا ..
ونكمل بالصور
نشبك الفلاش ونفرمتها ونحول نظام ملفاتها لـ NTFS زي ماهو واضح بالصور
هذا الفلاش وضغطنا الزر اليمين وبعدين نضغط على فورمات
وبعدين
بعد ماسوينا فورمات نجي للأداة اللي تحرق الـ iso للـ usb وظيفتها تحرق الـ iso to usb وسبق شرحها هنا ( تحميل توزيعة لينكس وتشغيلها من فلاش usb ) تحميل الأداة من هنا
وبعدها انتظر لين يخلص بعض الأحيان يتأخر في خطوة شوي وتحسب انه معلق ..
بعدها سو اعادة تشغيل لجهازك واضغط f12 او عاد شوف اول مايشتغل الجهاز كيف تفتح الـ boot راح يطلع لك .. ممكن F12 تضغط او اي زر غيره .. وشغل الـ ركيفري واستمتع ..
بالتوفيق .. 
