السلام عليكم ورحمة الله وبركاته ..
ممتع إنك تجرب انظمة غير الوندوز وغير إحتكار الوندوز .. واللينكس نظام مفتوح المصدر .. وروعة في استعماله وخفته .. وادواته .. لكن الانتقال من الوندوز شي صعب عموماً كـ بداية ..
انا اليوم بشرح كيف نقدر نحمل توزيعة لينكس .. ونشغلها من الفلاش ميموري ( USB ) و الإقلاع باللينكس من الفلاش ..
- نقوم بتحميل توزيعة اللينكس اللي نبي نشغلها لايف من الفلاش ونفرض إنها باك تراك بحكم ان كثير يستخدمونها ندخل على الموقع ونحمل التوزيعة من موقعها هنا ونحملها بصيغة iso
- نحمل الأداة الي راح تركب لنا التوزيعة على الفلاش (USB) واسم الاداة Unetbootin وهذا موقعها من هنا وهذي روابط التحميل للاداة لنظام اللينكس من هنا و لنظام الوندوز من هنا وهي اداة مجانية ومفتوحة المصدر !
- نشبك الفلاش ميموري (USB) ولازم إنها تكون على الأقل ( 2 قيقا )
- نفرمت الفلاش لـ FAT32
- نشغل الاداة ونختار قرص صورة إذا كان عربي او اذا انجليزي diskimage ونختار مكان التوزيعة الـ ISO اللي حملناها وبعدها نضغط OK
بعدها ماخلص اعد تشغيل الجهاز واختر الإقلاع من الusb .. وشغل التوزيعة وباليوزر نيم/الباسورد (الإفتراضية للتوزيعة) الباك تراك : root / toor
اليوزر ( root ) الباسورد ( toor ) .ولينكس ممتع إن شاء الله ..
وبس .. بالتوفيق إن شاء الله 
مشاركة التدوينة:
